شاورمة فراخ بالبطاطس... مع الصور

بسم الله الرحمن الرحيم
أكلة النهارده لذيذه جدا وكمان عناصرها العذائيه غنيه
وهى شاورمة الفراخ بالبطاطس
المقادير.....

4 بطاطس مسلوقين 3/4 سلقه و مبشورين

(ابشري واحده واحده قبل الاستخدام علي طول )

دقيق 1 كوب تقريبا

زيت اكوب


عدد 2 بصله كبيره

بهارات متنوعه

عدد ( 1) طماطم مقطعه قطع صغيره وبقدونس مقطع صغير

الطريقه

شوحي البصل مقطع ترنشات في شويه زيت ، حطي1/2 كيلو صدور فراخ

مقطعه صغير شوحيها لغايه ما لونها يتغير و بعد كده حطي

ملح،فلفل،سماق،زعتر و سويها ممكن تحتاج شويه ميه ، بعد ما تستوي

تكوني مقطعه طماطم صغير و شويه بقدونس و تقلبى و اطفي النار



ابشري 1 بطاطس و رشي عليها شويه دقيق بالشكل ده



في طاسه تيفال علي نار متوسطه حطي شويه زيت و حطي شويه بطاطس



شليها من علي النار وحطي شويه شاورمه بس مش علي الاطراف بالشكل ده



و غطيها بالبطاطس بالشكل ده



و اضغطي علي الحواف بالشكل ده علشان نلزء الجوانب كلها



و حطيها علي النار تاني و كل شويه حركي الطاسه علشان قرص البطاطس يفك من تحت



اقلبيها في طبق و حطي زيت تاني في الطاسه و حطي القرص علي الناحيه

التانيه علشان ياخد لون...و كري العمليه لغايه ما المقدار يخلص هتعملي 4 قرص





بعد ما تستوي قطعيها و قدميها بالشكل ده مع سلطه خضرا او طحينه



وبالهنا والشفا
متنسوش تدعوا لى